Restriccions en tota Catalonha (COVID-19)

Mesures basiques de proteccion individuau e collectiva:

IGIÈNA

• Igièna freqüenta de mans.
• Igièna de simptòmes respiratòris (evitar tossir dirèctament ar aire, tapar-se era boca damb era cara intèrna der avantbraç en aguesti casi e evitar tocar-se era cara, nas e uelhs).
• Neteja e desinfeccion des superfícies.

PRACTIQUES SOCIAUS

• Proïbicion de hèr reünions de mès de 6 persones, tant en encastre public coma en privat, levat que se tracte de conviventi.
• Setmana Santa: A compdar deth 26 de març, es reünions en espacis publics barradi se limiten a 4 persones, a excepcion de se son conviuenti, e enes espacis privadi solament se pòden amassar es conviuenti.
• Mantier grops de convivéncia abituau çò mès estables possible.
• Redusir es contactes sociaus diaris entà evitar era multiplicacion de possibles cadies de transmission.
• Distància fisica interpersonau de seguretat.
• Cridar o cantar favorissen era transmission. 

MASCA DE PROTECCION

• Usatge dera masca de proteccion obligatòria entà totes es persones majors de 6 ans, independentament deth manteniment dera distància fisica interpersonau de seguretat:
• Ena via publica e enes espacis exteriors
• En quinsevolh espaci barrat d’usatge public o dubèrt ath public
• En transpòrt public

ESPACIS DUBÈRTI / VENTILADI

• Preferéncia pes espacis ar aire liure entara realizacion d'activitats.
• Ventilacion corrècta des espacis barradi.

BAMBOLHA

• Se recomane limitar eth contacte sociau as grops bambolha, ei a díder, a grops de persones que se relacionen entre eres en tot generar un espaci de confidança e seguretat.
• Era bambolha de convivéncia ei eth grop de persones que conviuen en madeish larèr. Pòt includir tanben personau suenhant e/o de supòrt.
• Era bambolha ampliada ei eth grop de persones dera bambolha de convivéncia mès un aute grop o bèri auti grops limitadi de persones, tostemp es madeishes.
• Aguest déuer de proteccion ei egaument exigible as persones titulares de quinsevolh activitat economica, empresariau o establiment d'usatge public o que se tròbe dubèrt ath public.

Es persones que presenten simptòmes compatibles damb era COVID-19 deuen contactar damb eth sistèma public de salut.

Se proïbissen toti es desplaçaments e era circulacion peth carrèr entre es 22 h e es 6 h.

Causes justificades entara mobilitat nocturna son:

• Desplaçament per assisténcia sanitària d'urgéncia e per anar tara farmacia per rasons d'urgéncia, cada viatge que sigue era mès propèra ath domicili, e tanben entà assisténcia veterinària urgenta.
• Desplaçament de persones trabalhadores e es sòns representants entà anar o tornar deth centre de trabalh enes casi qu'eth trabalh non se pogue realizar en modalitat de trabalh a distància o teletrabalh, e tanben aqueri desplaçaments en mission inerenti ath desvolopament des foncions pròpries deth lòc de trabalh o dera sua activitat professionau o empresariau. S'i includissen, en tot cas, es desplaçaments de persones professionaus o volontàries degudament acreditades entà realizar servicis essenciaus, sanitaris e sociaus.
• Retorn ath domicili en tot tornar de centres educatius, activitats culturaus permetudes, exercici deth dret de manifestacion e de participacion politica e recuelhuda en establiment enes servicis de restauracion.
• Suenh de persones granes, menores d'edat, persones depenentes, damb empeditat o especiaument vulnerables per motius inajornables. S'i includissen es desplaçaments per besonhs de persones damb parrabastatges dera conducta, empeditat o malautia que requerisquen activitat en exterior entath sòn benèster emocionau o de salut, quan serà degudament justificat per professionaus sanitaris o sociaus damb eth certificat corresponent. Tanben s'i includissen es desplaçaments de besonh entara recuelhuda e suenh de menors d'edat en cas de progenitors separadi, divorciadi o damb residéncia en lòcs diferenti.
• Accions urgentes deuant d'organs judiciaris.
• Suenh de mascòtes e animaus de companhia pendent eth temps imprescindible e tostemp de manèra individuau ena franja orària comprenuda entre es 04.00 h e es 06.00 h.
• Causa de fòrça major o ua auta situacion de besonh justificat.
• Retorn ath lòc de residéncia abituau dempús d'auer realizat es activitats permetudes detalhades anteriorament.

Pendent er orari de restriccion dera mobilitat, se permet era circulacion de veïculs entàs desplaçaments permetudi.

Era circulacion de veïculs per carretères e vies que transcorren o trauèssen er encastre territoriau de Catalonha ei permetuda cada viatge qu'age origina e destinacion dehòra de Catalonha. Tanben, ei tostemp permetuda era circulacion quan se tractarà de transpòrt de mercaderies.

Orari maxim de dubertura ath public:

• Comèrci e activitats dubèrtes ath public: entre es 6 h e es 21 h
• Es comèrci que daurissen es 24 ores deth dia deuen barrar tàs 21 h e non pòden daurir enquias 6 h. Era mesura afècte es botigues de convenença, es establiments comerciaus annèxi as gasolinères, es plaçades en municipis toristics e es establiments de mens de 300 mètres quarradi de superfícia de venda.
• Restauracion consum en establiment: de 07 h 30 a 17 h.
• Restauracion recuelhuda en establiment: enquias 22 h
• Restauracion remesa a domicili: enquias 23 h
• Activitats culturaus: enquias 22 h

Era limitacion orària non afècte es servicis essenciaus e d’urgéncia: sanitaris, sociosanitaris, farmacies, combustibles, emergéncies e accions judiciaries. En cap cas aguest caractèr essenciau s'aplique ara venda de bevendes alcooliques en orari entre es 21 h e es 6 h.

Era restauracion en airaus de servici de vies de comunicacion entà professionaus de transpòrt non ei subjècta a cap franja orària.

Portatz eth certificat de declaracion autoresponsable o quinsevolh aute document acreditatiu (medicau, d’entrepresa...) que justifique eth desplaçament entà presentar-lo enes contraròtles policiaus.

Era activitat sociau e es desplaçaments dehòra deth domicili se deu redusir ath maxim possible.

Proïbicion de hèr reünions de mès de 6 persones, tant en encastre public coma en privat. Enes reünions e/o amassades familhaus e de caractèr sociau que se debanen en espacis barradi, en tot includir-i es domicilis, se recomane que se restrenhen tant coma serà possible e se limiten a visites a persones damb dependéncia o en situacion de vulnerabilitat e que siguen tostemp dera madeisha bambolha de convivéncia.

Non se considèren includides en aguesta proïbicion:

• Activitats laboraus.
• Activitats culturaus.
• Activitats de culte.
• Actes religiosi coma maridatges, servicis religiosi, celebracions e ceremonies funèbres.
• Mejans de transpòrt public.
• Activitats d'ensenhament, activitats de léser infantil e juvenil (includides es extraescolares) e es activitats d'intervencion socioeducativa (servicis d'intervencion socioeducativa e centres dubèrti), en tot includir-i eth transpòrt escolar.
• Es activitats esportives organizades a on es participaires agen licéncia emetuda per ua federacion esportiva o per un conselh esportiu.
• Dret de manifestacion, eth quau poderà èster exercit enes condicions que determine era autoritat competenta, e sense perjudici deth compliment des limitacions establides damb caractèr generau pes autoritats sanitàries enes espacis publics

Enes reünions que concentren enquia sies persones en espacis publics non se permet eth consum ne d'aliments ne de bevendes. S'exceptuen dera proïbicion de consum d'aliments e bevendes en espacis publics es repaissi que se poguen hèr ar aire liure enes gessudes escolares e en encastre des activitats d'intervencion socioeducativa.

Enes reünions e/o amassades non i pòden participar persones qu'agen simptòmes de COVID-19 o que les calgue èster isolades o en quaranties per quinsevolh motiu.

• Obligacion as entrepreses de limitar era mobilitat laborau. Implementar eth trabalh a distància o teletrabalh a excepcion de que non sigue possible. Se non ei possible establir mesures de flexibilitat orària, oraris d'entrada e gessuda escalonades o similars.
• Adoptar mesures entà mantier era distància interpersonau. En cas que non se pogue mantier era distància, cau proporcionar as persones trabalhadores es equipes de proteccion apropriades ath nivèu deth risc.
• Adoptar mesures de neteja e desinfeccion apropriades as caracteristiques des centres de trabalh e intensitat d'usatge, e tanben garantir era ventilacion des espacis e bastisses, d'acòrd damb es protocòus qu'establisquen en cada cas es autoritats sanitàries e, en especiau, des espacis comuns des centres de trabalh, restrenhent-ne o escalonant-ne er usatge entà evitar aglomeracions, intensificant era neteja de superfícies, en tot establir qu'enes zònes de pòsa se permete era distanciacion entre persones o en tot establir zònes d'entrada e gessuda diferenciada, entre d'autes.
• Méter a disposicion des persones trabalhadores aigua e sabon, o gèus idroalcoolics o desinfectants damb activitat viricida autorizadi, entara neteja de mans.
• Er usatge de masca de proteccion:
  • Ei obligatòri en espacis de trabalh d’usatge public o dubèrt ath public, o ben, en desplaçaments per interior.
  • Non ei obligatòri en espacis de trabalh barrat ath public, un còp era persona sigue en sòn lòc de trabalh e hèsque prètzhèts que non compòrten mobilitat.
• Adoptar mesures entà evitar era coïncidéncia massiva de persones, tant des persones trabalhadores coma des clientes o usatgères, pendent es franges oràries a on se preveigue mès afluéncia.

• Eth transpòrt public deu mantier era sua aufèrta ath 100 % encara que i age ua diminucion de passatgèrs. Se'n pòt ajustar era aufèrta en orari nocturn e dimenjades, en foncion dera evolucion dera demanda.
• Es usatgèrs non pòden hèr activitats que compòrten trèir-se era masca de proteccion, coma minjar.
• Es estacions en espacis barradi deuen aufrir dispensadors de gèu idroalcoolic.
• En cas des taxis d'enquia 9 places se pòden ocupar totes es places disponibles lheuat dera deth costat deth conductor, deu demorar liure en tot cas, e damb eth limit maxim de sies persones includides eth conductor.

Comèrç ath detalh

Se suspen era dubertura es dissabtes e dimenges, a excepcion de:

• Es establiments d'alimentacion, de bevendes, de productes igienics, d'auti productes de prumèr besonh, servicis essenciaus, farmacies, ortopedies, optiques, centres de veterinària, concessionaris d'automobil, telecomunicacions, libraries, perruqueries e centres d'estetica, e centres de jardineria.

De deluns a diuendres pòden daurir:

• En cas d'establiments e locaus comerciaus damb ua superfícia de venda de mès de 400 mètres carradi, pòden daurir cada viatge que limiten er espaci de dubertura ath public ara nomentada superfícia e redusisquen era capacitat ath 30% de çò que corresponerie segons era capacitat totau permetuda.

Centres comerciaus 

Pòden daurir de deluns a diuendres es centres comerciaus, galaries comerciaus e encenches comerciaus cada viatge que complisquen es requisits següenti:

• Redusisquen ath 30% era capacitat permetuda. Aguesta reduccion s'aplique tant entàs establiments e locaus comerciaus coma entàs zònes comunes e de passatge.
• Es zònes comunes e de passatge tanben an ua limitacion de capacitat deth 30%.
• Complisquen damb es condicions de ventilacion e qualitat der aire reforçades.
• Es dimenjades, deueràn èster barradi, a excepcion des establiments comerciaus dedicadi ara venda de productes essenciaus, de productes igienics, es centres de veterinària, es libraries, es perruqueries, es centres d'estetica, es concessionaris d'automobils e es centres de jardineria, que pòden demorar dubèrts sigue quina sigue era sua superfícia, e damb es mesures establides de igièna e de seguretat.

Es equipaments culturaus e es equipaments esportius plaçadi laguens de centres, galaries o encenches comerciaus pòden daurir ath public.

Demore suspenuda era dubertura ath public des locaus e establiments de restauracion integrada enes centres, galaries o encenches comerciaus.

Mercats non sedentaris e hèires mercat

• Capacitat deth 30%.
• Demore suspenuda era celebracion presenciau de congrèssi, convencions, hèires comerciaus, hèstes majors e autes hèstes que poguen supausar era celebracion d'actes damb risc de generar aglomeracions de persones.

Servicis damb contacte fisic (perruqueries e centres d’estetica)

• Dubèrts damb sistèma de cita prealabla individuau e reforçament de mesures de prevencion de contagions.

Se pòden establir sistèmes de recuelhuda en locau des productes aqueridi per telefòn o via internet.

Terrasses:

• Damb ua distància minima senhalizada de 2 mètres entre taules o agropacions de taules.
• Limitacion de 4 comensaus per taula o agropacions de taules diferentes, a excepcion de que se tracte dera bambolha de convivéncia.
• De 7:30 h a 17 h. Aguestes franges horàries non son aplicables as servicis de restauracion des centres de trabalh destinat as persones trabalhadores, as servicis de restauracion integrada es centres e servicis sanitaris, sociosanitaris e sociaus entà dar servici exclusivaments as persones que i realizen prestacion laborau e as persones que i son entrades, e as servicis de minjador de caractèr sociau, entàs persones usatgères deth servici.

Interiors:

• Dubèrts damb 30% dera capacitat.
• Damb bona ventilacion damb ua distància minima de 2 mètres entre comensaus de taules o agropacions de taules.
• Limitacion de 4 comensaus per taula o agropacions de taula, a excepcion de que se tracte dera bambolha de convivéncia.
• De 7:30 h a 17 h. Aguestes franges horàries non son aplicables as servicis de restauracion des centres de trabalh destinat as persones trabalhadores, as servicis de restauracion integrada es centres e servicis sanitaris, sociosanitaris e sociaus entà dar servici exclusivaments as persones que i realizen prestacion laborau e as persones que i son entrades, e as servicis de minjador de caractèr sociau, entàs persones usatgères deth servici.

Mesures generaus

• Eth consum se deu realizar tostemp en taula.
• Se limite a 4 eth nombre maxim de comensaus per taula o agropacion de taules, levat qu'apartenguen ara bambolha de convivéncia.
• Distància d'un mètre entre persones d'ua madeisha taula, a excepcion d'entà persones qu'apartenguen ara bambolha de convivéncia.
• Restauracion a domicili o entà recuelhuda pes clients: pendent tot er orari de dubertura.
• Establiments d'oteleria: pòden dar servici de restauracion exclusivament as persones lotjades en orari de sopar enquias 22 h.

Es installacions e es equipaments esportius ar aire liure pòden daurir e utilizar-se cada viatge que se complisquen es condicions següentes:

• Capacitat deth 50% aire lliure i 30% espacis barradi.
• Contraròtle d'accès.
• Es vestiaris pòden redaurir.
  • Usatge des vestiaris ei excepcionau entàs qu'utilizaràn eth servici de piscina, se n'i a, e entàs que non auràn possibilitat de cambiar-se en un aute espaci d'usatge privatiu e non compartit abans o dempús dera activitat esportiva.
  • Er usatge des vestiaris demore condicionat a garantir especificament era ventilacion minima establida ena normativa en vigor en matèria d'installacions termiques de bastiments.
• Se proïbís era utilizacion d'equipaments esportius que non siguen supervisadi.
• Se permeten es activitats en grop:
  • en espacis barradi qu'acrediten eth compliment des condicions de ventilacion e qualitat der aire reforçades, cada viatge que se respècte eth limit dera capacitat ath 30% e, a excepcion d'enes piscines, qu'es activitats se poguen desvolopar damb masca de proteccion.
  • en es espacis que non complisquen es condicions de ventilacion reforçada, se pòden amiar a tèrme cada viatge que non concentren mès de sies persones e cada viatge qu'es activitats se poguen hèr damb masca de proteccion.
• Cita prealabla en espacis barradi.

Per çò qu'ei der usatge des piscines:

• Capacitat deth 50%.
• Contraròtle d'accès.
• Se pòdon far d'activitats en grop sens superar lo aforament permés, en seguissent lo correspondent plan sectorial aprovat pel Comitat de Direccion del Plan d'accion del PROCICAT.

Competicions esportives

• Competicions d'encastre estatau e internacionau de fotbòl e basquetbòl professionau: sense preséncia de public pr'amor qu'an ua normativa especifica.
• Rèsta de competicions en installacions e equipaments:
• Ar aire liure: Capacitat deth 50% e un maxim de 1.000 persones.
• En espacis barradi: Capacitat deth 30% e un maxim de 500 persones. Se deu garantir era ventilacion minima establida ena normativa en vigor en matèria d'installacions termiques de bastisses.
• Se complissen es condicions de ventilacion e qualitat der aire reforçat e se garantissen es mesures de contraròtle d'aglomeracions, i pòden assistir enquia un maxim de 1.000 persones.
• Eth titular dera installacion o equipament deu presentar ua declaracion responsabla damb es caracteristiques des sistèmes de ventilacion e qualitat der aire e es contraròtles d'accèssi e mobilitat.

Es parcs e jardins publics de titolaritat publica e es airaus de jòc infantil pòden demorar dubèrts ath 50% enquias 20 h.

Activitats proïbides:

• Espacis infantils ludics interiors, hèstes majors.
• Se manten eth barrament ath public des parcs e hèires d'atraccions, en tot includir-i tota sòrta d'estructures non permanentes desmuntables.
• Se suspenen es activitats recreatives que poguen amassar mès de sies persones que non apartenguen ara madeisha bambolha de convivéncia o que poguen supausar un contacte personau propèr e que non siguen laguens des excepcions permetudes.

Competicions esportives

• Competicions d'encastre estatau e internacionau de fotbòl e basquetbòl professionau: sense preséncia de public pr'amor qu'an ua normativa especifica.
• Rèsta de competicions en installacions e equipaments:
• Ar aire liure: Capacitat deth 50% e un maxim de 1.000 persones.
• En espacis barradi: Capacitat deth 30% e un maxim de 500 persones. Se deu garantir era ventilacion minima establida ena normativa en vigor en matèria d'installacions termiques de bastisses.
• Se complissen es condicions de ventilacion e qualitat der aire reforçat e se garantissen es mesures de contraròtle d'aglomeracions, i pòden assistir enquia un maxim de 1.000 persones.
• Eth titular dera installacion o equipament deu presentar ua declaracion responsabla damb es caracteristiques des sistèmes de ventilacion e qualitat der aire e es contraròtles d'accèssi e mobilitat.