• Imprimeix

Lista de reparacion juridica de victimes deth franquisme

Era lista includís 66.590 persones afectades e 15 entitats

07/07/2017 00:07
llista

En aplicacion dera Lei 11/2017, deth 4 de junhsèga, de reparacion juridica de victimes deth franquisme, aprovada eth 29 de junh peth Parlament de Catalonha, er Archiu Nacionau de Catalonha publique era relacion de persones as quaus se les instruïc un procediment judiciau militar pendent era Dictadura de Franco.

Era Dictadura considerèc enemigues as persones que, per rason dera sua afiliacion politica, sindicau, associativa, pes sues idees o credences o pes sues opcions vitaus, non èren afins ath regim. Era repression siguec sistematica e transversau e afectèc a òmes e hemnes de totes es edats, origenes, condicion sociau e professions.

Testimònis dera repression

Er Archiu Nacionau a trebalhat entà preservar testimònis documentaus dera repression, facilitar er accès as hònts e difoner-ne eth contengut.

Ara era Lei 11/2017 encomane de hèr publica ua relacion de persones as quaus s’instrusic procediments judiciaus militars (conselhs de guèrra, diligéncies prealables e similars). Era Lei tanben autorize a actualizar era lista, s’er Archiu Nacionau a coneishement dera existéncia de procèssi que non s’an includit ena relacion iniciau.

Era lista presente es victimes ordenades alfabeticament: 66.590 son persones fisiques e 15 son persones juridiques. I a persones as quaus se les instruïc mès d’un procediment.

Era relacion includís cognòms e nòm dera persona represaliada, sèxe, tipe de procediment (conselh de guèrra, diligéncies prealables o similares), numero de causa, data d’inici dera causa, data d’aprobacion dera senténcia o ua auta resolucion, pena impausada e commutacion o er indult demanat. Se i indiquen es persones que sigueren executades.

D’acòrd damb era Lei 11/2017 er Archiu Nacionau publique era lista de procèssi e resolucions dictades pes tribunaus militars