• Imprimeix

Burèus d'atencion ciutadana i servicis territoriaus

Qué aufrissen?

Es burèus d'atencion ciutadana dera Generalitat de Catalonha presten servicis d'atencion presenciau sus es servicis e tramits que s'i pòden hèr tant ena Generalitat coma en d’autes administracions publiques. Actuen coma entitats de registre des sistèmes d’identificacion digitau idCAT o idCATMòbil e pòden èster un sosten entà hèr tramits telematics.

I a burèus d'atencion ciutadana qu'aufrissen ua informacion generalista e d'auti burèus que faciliten informacion mès especifica de tematiques concrètes e pròpries d'un departament, que se carguen dera gestion des diferenti servicis e tramits e, donques, tanben s'i pòt consultar er estat des expedients qu'a iniciat.

Ath delà, en bèri casi, era sedença centrau deth Departament, en Barcelona, tanben a abilitat un burèu d’atencion presenciau, coma ei eth cas deth Departament de Territòri e Sostenibilitat, deth Departament de Trabalh, Ahèrs Sociaus e Familhes o deth Departament de Justícia.

Atanben, en territòri i a un vast hilat de burèus d'ahèrs sociaus e familhes entà consultes e tramitacions pròpries d'aqueth encastre.

Eth Burèu d’Atencion Ciutadana dera Generalitat en Girona ei un modèl pionèr e de referéncia en çò que tanh ara integracion de toti es servicis d’atencion presenciau dera Generalitat en un unic espaci fisic. Preste es servicis d’atencion des Servicis Territoriaus en Girona de toti es departaments e es sòns organismes, damb personau informaire especializat enes diferentes matèries.

Data d'actualització:  27.12.2016