Pobresa energètica
Pobresa energètica
  • Imprimeix

Praubesa energetica

Era lei protegís as persones e unitats familiares en situacion de risc d’exclusion residenciau dauant des talhs que poguen acordar es companhies fornidores d'electricitat, gas e aigua potable per manca de pagament.

Açò vò díder qu’aguestes empreses non poiran interrómper es forniments per motiu d’impagament en cas que i age risc d’exclusion residenciau.

Degut ara crisi, era proteccion deth dret as forniments basics a resultat encara mès de besonh. De hèt, eth Sindic de Grèuges, en sòn informe sus praubesa energetica de 2013, indicaue qu’en Catalonha i auie 193.000 cases (6,9% deth totau) que non podien assumir era despensa tà mantier era casa a ua temperatura adienta. E segons se detalhe en preambul dera lei 24/2015, de mesures urgentes tà afrontar era emergéncia en ambit d’abitatge e era praubesa energetica, es prètzi d'accés as forniments basics ara casa resulten inassequibles tà ua part importanta dera poblacion perque, entre d’autes rasons, eth prètz dera lum s'a pujat des deth 2008 un 60% e er aigua, ua mejana d'un 66%.

Es mesures establides pera normativa an per objectiu esvitar es talhs des forniments, atau com establir ajudes o descompdes tà poder gestionar eth dèute pendent.

 

A qui se garantissen es forniments basics?

As persones o unitats familiares damb risc d'exclusion residenciau

Açò vò díder qu’an ingrèssi inferiors a:

  • 2 viatges er IRSC (Indicador de Renda de Sufisença de Catalonha), se se tracte de persones que viuen soletes.
  • 2,5 viatges er IRSC, se se tracte d’unitats de conviuença (mès d'ua persona).
  • 3 viatges er IRSC, en cas de persones damb discapacitats o damb grana dependéncia.

Excepcionaument, se es ingrèssi son superiors mès i a un risc imminent de pèrder era casa, tanben se pòt demanar ath servici sociau que valore se era persona o unitat familiara se pòt inclòir ena situacion de risc d'exclusion residenciau.

Es mesures tà garantir eth dret d’accès as forniments d’aigua, lum e gas, tanben s’apliquen as cases en que, maugrat non complir es requisits d’ingrèssi, i viu bèra persona afectada per dependéncia energetica (persones qu’an de besonh maquines assistides tà subervíuer).

Er annèxe 1 dera Guida tà persones e famílies que an problèmes economics tà mantier es forniments d'aigua, lum e gas concrète es ingrèssi que determinen eth risc d'exclusion residenciau

Què cal fer si es rep un avís d'impagament d'una factura?

En avís d'ua factura impagada, era empresa fornidora demanarà as persones consumidores que l'autorizen a utilizar es sues dades personaus damb era unica finalitat de sollicitar as servicis sociaus municipaus un informe tà saber se se tròben en situacion de risc d'exclusion residenciau.

Cau adreçar-se as servicis sociaus de cada municipi. Es servicis sociaus an d’eméter er informe en termini de 15 dies des dera sollicitud per part dera empresa fornidora.

Se es persones non se presenten dauant des servicis sociaus en termini maxim de 2 mesi, aguesti servicis informen as empreses que fornissen que non pòden acreditar se se tròben o non ena situacion de risc.

En ua dusau comunicacion, se s'envie un avís de talh de forniment, era empresa informe que, en tot enténer que non i a auut oposicion, s'utilizen es dades deth client tà demanar eth nomentat informe as servicis sociaus municipaus. Aguest ei eth document que a de determinar se era persona se tròbe en risc d'exclusion residenciau.

Qué cau hèr se i a un talh de forniment indegut

Se era empresa fornidora execute eth talh maugrat qu’era persona o unitat familiara se tròbe efectivament en risc d'exclusion residenciau, incomplirà era lei. En aguest cas, cau adreçar-se de nau as servicis sociaus deth municipi tà que se suspengue aguest talh.

Tanben se pòt denonciar eth talh indegut en servici public de consum deth municipi o comarca (as Oficines Comarcaus d'Informacion ath Consumidor e es Oficines municipaus d'Informacion ath Consumidor).

Eth Còdi de consum preve sancions tàs empreses qu’incomplissen era lei, que pòden constituir infraccion administrativa en matèria de defensa des persones consumidores o usatgères.

Mesures tà garantir es forniments basics

Segons recuelh era lei, es administracions publiques an d'arribar a acòrds o convènis damb es companhies que fornissen d'aigua potable, de gas e d'electricitat tà garantir que concedissen ajudes a hons perdut as persones e unitats familiares en situacion de risc d'exclusion residenciau o que s’apliquen descompdes notables en còst des consums minims.

Data d'actualització:  27.01.2017